Coa presente convocatoria o Concello de Cambre quere dar apoio ás entidades sociais e contribuír para que acaden os obxectivos que lles son propios, fomentar a participación da cidadanía en cada ámbito de actuación, a través de programas e/ou accións sociais tendentes a impulsar actividades destinadas a persoas empadroadas en Cambre tales como persoas maiores, persoas con diversidade funcional, ... e en xeral á inserción na sociedade dos colectivos máis desfavorecidos. Tamén que contribúan á prevención do illamento e exclusión social, á promoción da calidade de vida e a inclusión na cidadanía, ao fomento da igualdade de oportunidades, máis notorias e intensas producidas como consecuencia da pandemia mundial do COVID-19.

Os proxectos que presenten as entidades poderán ir dirixidos aos seguintes grupos de poboación:

• Minorías étnicas e culturais.
• Persoas en risco de pobreza severa.
• Persoas ou familias especialmente vulnerables.
• Persoas con diversidade funcional.
• Persoas maiores.
• Persoas que requiran de aplicación de medidas especiais para a súa inserción social e/ou laboral.

Os proxectos deben estar enmarcados dentro dalgunha das seguintes áreas de actuación:

• Área Inclusión social.
• Área Inclusión laboral.
• Área Igualdade.
• Área Sociosanitaria.
• Área Terceira Idade.
• Área Inmigración.

Cada entidade poderá solicitar un máximo de 3 proxectos, programas ou actividades, que deben encadrarse necesariamente en distintas Áreas.

As solicitudes presentaranse a través do rexistro telemático a través dalgún dos seguintes enderezos electrónicos:

https://sede.cambre.es

htpps://rec.redsara.es/registro

O prazo de presentación de solicitudes será do 29 de setembro ata o día 20 de outubro de 2021 (ambos incluídos).