Castellano
Detalle trámite
Non hai convocatorias abertas actualmente
Axudas económicas en apoio ás entidades municipais sen ánimo de lucro no desenvolvemento de actividades culturais, deportivas, educativas, e festivas, así como na dotación de equipamentos que lles resulten necesarios.
Poderán optar a estas subvencións as entidades ou asociacións xuridicamente constituídas e inscritas no rexistro municipal de entidades veciñais do Concello, os comités veciñais e as ANPAS e centros educativos do Concello de Cambre, que cumpran os seguintes requisitos:
1.- Carecer de fins de lucro.
2.- Desenvolver a súa actividade dentro do termo municipal de Cambre.
3.- Non ter pendente de xustificar a subvención municipal concedida no exercicio anterior, e no caso de que así fose, ter concedida unha prórroga ou ter desistido de forma motivada e por escrito.
4.- Estar ao día nas súas obrigas tributarias e coa seguridade social.
5.- Ter un mínimo de 15 socios (agás as entidades que pola súa natureza non lles sexa de aplicación).
6.- Ter actualizados os datos no antedito Rexistro municipal, tendo en conta que toda modificación deberá comunicarse no mes seguinte ao seu acontecemento; e o orzamento e o programa anual de actividades comunicaranse no mes de xaneiro de cada ano, ou realizado no prazo de presentación da solicitude de subvención.
7.- Non estar incursa en ningún dos supostos de incapacidade ou incompatibilidade para obter a condición de beneficiario de subvencións (artigo 13 da Lei 38/2003, do 17 de novembro, xeral de subvencións).
As solicitudes de subvención presentaranse de xeito telemático a través da Sede Electrónica do Concello de Cambre (sede.cambre.es), no modelo normalizado que se atopará na propia sede.
Prazo de presentación: 12 de novembro de 2020 a 11 de decembro de 2020.
- Solicitude.
- Memoria explicativa.
No suposto de investimento en inmobles deberá acreditar calquera destas condicións:
- A titularidade do inmoble se a entidade é a propietaria.
- A autorización e cesión do uso do inmoble, por parte dos propietarios a prol da entidade sen fin de lucro, cunha duración mínima de cinco anos a contar dende o ano 2020.
- Ou a autorización para facer o investimento, cando os propietarios sexan entidades de carácter social ou relixioso, ou no caso de inmoble municipal do órgano municipal competente. - Orzamento de gastos e forma de financiamento previsto.
- Os comités veciñais presentarán, ademais, a acta fundacional coa relación dos seus compoñentes, unha fotocopia do CIF solicitado para o efecto e a certificación da conta bancaria aberta para este fin.
- Autorización para recadar datos da Axencia Tributaria e da Seguridade Social de estar ao corrente das súas obrigas tributarias.
- Declaración de estar ao corrente das obrigas tributarias e coa Seguridade Social.
Nome: Solicitude de subvencións municipais a Entidades sen ánimo de lucro 2020.
Unidade tramitadora: Intervención.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía.
Carácter silencio administrativo: Silencio positivo.
Prazo de execución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Non aplica.
Canles de atención: Telemático (Iniciar trámite).
cultura@cambre.org - 981 613193
