Castellano
Detalle trámite
Solicitude de axudas a través de incentivos á contratación temporal por conta allea do alumnado traballador do obradoiro dual de emprego 'PROXEDIS SOCIO Sanitario - Educativo II' 2024/2025
Non hai convocatorias abertas actualmente
Presentación de solicitudes de axuda a través de incentivos á contratación temporal por conta allea do alumnado traballador do obradoiro dual de emprego “PROXEDIS SOCIO Sanitario-Educativo II” 2024/2025 do Concello de Cambre. A convocatoria ten por obxecto facilitar a empregabilidade e ocupabilidade das persoas desempregadas participantes ou que tivesen participado (co resultado de apto/a) no obradoiro dual de emprego “PROXEDIS SOCIO Sanitario-Educativo II” 2024/2025 do Concello de Cambre, facilitando a súa contratación temporal cunha duración mínima de alta en Seguridade Social de 3 meses a formalizar entre o 1 e o 15 de setembro de 2025.
- Persoas empregadoras e as empresas, calquera que sexa a forma xurídica que adopten, incluídas as persoas autónomas (traballadores/as autónomos/as), as sociedades civís e as comunidades de bens, aínda que carezan de personalidade xurídica, as entidades sen ánimo de lucro (asociacións, fundacións), as congregacións e entidades relixiosas e restantes organizacións nas que concorran os requisitos establecidos nas bases.
- Que contraten traballadoras ou traballadores por conta allea na categoría profesional correspondente para prestar servizos en centros de traballo radicados no ámbito territorial dos talleres duais de emprego relacionados con ocupacións ou postos de traballo vinculados a:
- Atención sociosanitaria a persoas dependentes (coidadoras/es de persoas dependentes, coidador/a de persoas con discapacidade, xerocultoras/es, auxiliares de axuda ao domicilio ou similares), ou
- Promoción e intervención socioeducativa con persoas con discapadidade (monitores/as educadores/as de persoas con discapacidade, monitores/as de servizos á comunidade, Integradores/as sociais ou similar).
- Para a contratación do alumnado/traballador da especialidade “atención sociosanitaria a persoas dependentes en institucións sociais”, as entidades o empresas beneficiarias deberán ser titulares, adxudicatarias da xestión ou similar, de centros de iniciativa social ou de iniciativa privada (residencias de persoas dependentes, centros de día, servizos de axuda no fogar, etc.) que presten servizos de atención sociosanitaria nos ámbitos da xeriatría (maiores) e/ou no ámbito da discapacidade a persoas en réxime de permanencia parcial, temporal ou permanente.
- Para a contratación do alumnado/traballador da especialidade “promoción e intervención socioeducativa con persoas con discapacidade”, as entidades o empresas beneficiarias deberán ser titulares, adxudicatarias da xestión ou similar, de centros de iniciativa social ou de iniciativa privada (centros educativos, residencias para persoas dependentes, centros de día, etc.) que presten servizos de promoción e intervención socio educativa con persoas con discapacidade.
Contía:
As contratacións temporais incentivaranse cunha subvención fixa de 1.500,00 € por cada traballador/a, correspondente a un contrato mínimo de 3 meses a xornada completa. O número máximo de contratos temporais a incentivar con cargo á presente convocatoria será de cinco por entidade participante.
De forma telemática a través do botón "Iniciar trámite". As solicitudes de axudas presentaranse na sede electrónica (https://sede.cambre.es/) do Concello de Cambre. Todos os trámites administrativos que as entidades interesadas deban realizar durante a tramitación dos procedementos previstos nestas bases deberán realizarse electrónicamente
- Solicitude telemática
- Anexo I - Solicitude.
- Anexo II - Declaración Responsable.
- Anexo III - Declaración Responsable Comprensiva doutras Axudas.
- Anexo IV - Aceptación da Axuda.
- Anexo V - Xustificación, Declaración de Cumprimento das Bases da Convocatoria e Solicitude de Pagamento.
- Bases para a convocatoria de axudas a través de incentivos á contratación temporal por conta allea do alumnado traballador do obradoiro de emprego dual “PROXEDIS SOCIO Sanitario-Educativo II” (PROfesionais en XEriatría e DIScapacidade) 2024-2025 do Concello de Cambre.
- Aprobación inicial das bases para a convocatoria de axudas a través de incentivos a contratación temporal por conta allea do alumnado traballador do obradoiro de emprego dual “PROXEDIS socio Sanitario-Educativo II” 2024/2025 do Concello de Cambre.
- Extracto das bases.
Nome: Solicitude de axudas a través de incentivos á contratación temporal por conta allea do alumnado traballador do obradoiro dual de emprego “PROXEDIS SOCIO Sanitario - Educativo II” 2024/2025.
Inicio do procedemento: A Instancia de parte.
Tipo de interesado: Persona física ou xurídica.
Canles de atención: Telemático (Iniciar trámite).
